O proxecto GreenHUB contribuirá á aparición de dinámicas de cooperación dirixidas á creación de novos coñecementos en ámbitos como o aproveitamento e valorización do potencial dos recursos e residuos, así como o desenvolvemento de produtos cun impacto ambiental reducido, garantindo a súa transferencia ao tecido empresarial e impulsar a aparición de empresas intensivas en novas tecnoloxías/coñecemento na comarca.
Financiamento: INTERREG España-Portugal (POCTEP)
O proxecto Aldealix propón a promoción das comunidades enerxéticas baseadas na biomasa no territorio rural da Eurorrexión como alternativa viable para producir enerxía local e promover a autosuficiencia enerxética mediante o aproveitamento da biomasa xerada localmente.
Impúlsase a creación dunha solución integral para abastecer as necesidades térmicas de vivendas e edificios públicos das aldeas modelo mediante a creación de pequenas redes de calor.
O proxecto RESONATE ten como obxectivo xerar o coñecemento e as prácticas necesarias para facer que os bosques europeos, os servizos que prestan e as actividades económicas relacionadas sexan máis resistentes ao cambio climático e ás perturbacións futuras.
Investígase como os factores de xestión pasados e actuais afectan á resiliencia dos sistemas forestais en diferentes tipos de bosques e sistemas de xestión en toda Europa. A partir da análise de escenarios, estudos prospectivos coa participación activa das partes interesadas e análise de políticas, desenvolveranse estratexias de resposta para mellorar a resiliencia dos bosques e a cadea de valor forestal.
Financiamento: Programa de Investigación e Innovación Horizonte 2020