O Consello da Xunta aprobou hoxe un novo paquete de axudas por importe de 5 M€ para investimentos en tecnoloxías forestais, procesamento, mobilización e comercialización de produtos forestais. 

O obxectivo destes apoios é mellorar a competitividade do tecido industrial forestal, madeira e das pemes galegas. Neste sentido, esta nova convocatoria de axudas pon en valor o conxunto de recursos que atesouran os bosques galegos como son a madeira, a resina, a biomasa, así como tamén os equipamentos, maquinaria e as instalacións precisas para incrementar a competitividade da industria ligada a toda a cadea de valor. 

En total a convocatoria recolle cinco liñas de axudas: xestión forestal activa; madeira e biomasa; castaña e resina; valor engadido na primeira transformación de madeira; e plans e ferramentas de xestión empresarial. 

Estas axudas enmárcanse na Axenda de impulso industrial forestal promovida pola Axencia Galega dá Industria Forestal (Xera), dependente da Consellería de Economía e Industria, que nace co obxectivo de modernizar a industria forestal a través das demandas da sociedade.