Esta ferramenta gratuíta para o cálculo estrutural estase a desenvolver no marco do convenio “Madeira en Valor” entre a Axencia Galega da Industria Forestal da Xunta de Galicia e a Universidade de Santiago de Compostela, a través da Plataforma de Enxeñaría da Madeira Estrutural (PEMADE).
TRABE está deseñada para o cálculo estrutural de produtos en madeira e pretende servir de apoio á toma de decisións do prescritor para unha instalación en condicións de calidade e seguridade. Inclúe as principais especies forestais galegas, impulsando os produtos locais de madeira.
Enquisa realizada no mes de maio en colaboración coa Escola de Enxeñaría Forestal de Pontevedra (Universidade de Vigo) para coñecer a situación da industria forestal galega no contexto actual marcado polo COVID-19.