XERA organiza, en colaboración coa Escola de Arquitectura de Cesuga, as II Xornadas Internacionais Madeira 2021 - Taller de deseño e construción con madeira, que terán lugar do 7 ao 13 de xuño na Coruña e Arteixo.
Dando continuidade ás primeiras xornadas celebradas o pasado ano, mantense o foco na relación Tecnoloxía-Proxecto a través de tres escalas vinculadas, Territorio-Arquitectura-Moble, e formúlase o deseño e a construción dunha instalación artística de carácter efímero, experimental, dende unha posición de respecto e posta en valor dun espazo de alta calidade paisaxística e medioambiental, valorando aspectos topolóxicos, tectónicos e tipolóxicos, buscando solucións de convivencia entre "artefacto" e natureza.
Titores invitados:
Prazas limitadas: 30 alumnos/as que se organizarán en 2 grupos de traballo.
Organizado no marco do acordo de colaboración subscrito polo Colexio Oficial de Arquitectos de Galicia (COAG) e a Axencia Galega da Industria Forestal (XERA) para promover o coñecemento en materia de construción e rehabilitación con madeira e a divulgación de obras exemplares.
Ten como obxectivo que o alumnado adquira os coñecementos e habilidades principais necesarias para desenvolver proxectos de arquitectura con entramado lixeiro de madeira. Para iso, analizarase a lóxica estrutural do sistema construtivo para poder desenvolver proxectos de edificacións optimizadas onde arquitectura e estrutura vaian da man. Os/as alumnos/as descubrirán as técnicas, detalles e materiais adecuados para proxectar edificios eficientes, duradeiros e sostibles.
Aforo limitado.
Venres 30 de abril de 11:30 a 13:00 h
Encontro para compartir que o proxecto POCTEP Valornature chega ao seu fin e, como resultado da innovación desenvolvida, desde CIS-Madeira presentamos as oportunidades dos subprodutos e residuos xerados en sectores agroforestais e mariños (podas, restos de corta, subprodutos industriais) para a obtención de novos materiais avanzados e sostibles con aplicación en sectores como téxtil, cosmética, embalaxe, mobiliario, construción e elementos deportivos e creativos.
Data límite de inscrición: xoves 29 de abril
Venres 26 de marzo de 10:30 a 12:00 h
Presentación pública das conclusións da 2ª enquisa de conxuntura respecto dos retos e expectativas da industria forestal galega, realizada en colaboración coa Escola de Enxeñaría Forestal da Universidade de Vigo.
Intervirán D. Manuel Joaquín Reigosa, reitor da Universidade de Vigo; D. Francisco Conde, vicepresidente segundo e conselleiro de Economía, Empresa e Innovación, e D. Juan Picos, director da Escola de Enxeñaría Forestal de Pontevedra.
As conclusións da primeira enquisa, realizada o pasado mes de maio, están dispoñibles na sección de publicacións desta web.
Dende XERA, Axencia Galega da Industria Forestal, iníciase unha serie de módulos formativos de especialización vinculados á construción con madeira.
A iniciativa está enmarcada dentro das actuacións definidas na Axenda de Impulso da Industria Forestal (1.1.1) e reforza a estratexia de apoio da Axencia aos proxectos de construción con madeira.
O obxectivo é formar a operarios e instaladores do sector interesados en especializarse na construción con madeira, para así dar resposta á crecente demanda deste perfil.
Para iso, como inicio, convócanse os seguintes módulos:
Os módulos contarán con formación teórica e práctica. Os contidos teóricos desenvolveranse en modalidade online e a parte práctica reduciuse ao mínimo (atendendo ás recomendaciones de prevención da COVID-19).
Presentación do manual "Lugares públicos de estancia con carácter biofílico".
Xornada de presentación de resultados do proxecto de Biomasa AP, proxecto transfronteirizo cuxo obxectivo é a mellora das capacidades dos centros de I+D das rexións de Galicia e Norte de Portugal para optimizar a explotación do uso da biomasa procedente de restos de poda, matorrais, vide e kiwi.
O evento será dixital e a asistencia gratuíta.
Mércores 28 de outubro ás 12:00 h
Xornada online de presentación da ferramenta web TRABE para o cálculo estrutural de produtos de madeira, desenvolvida no marco do Convenio de colaboración entre XERA e a Plataforma de Enxeñaría da Madeira Estrutural (PEMADE) da Universidade de Santiago de Compostela (USC) para a posta en valor de especies forestais de crecemento en Galicia e o fomento da madeira na construción.